შექმენი მონაცემთა ვიზუალიზაცია და მოიგე ფულადი პრიზები

ფორსეტი Askgov.ge-ის მონაცემთა ვიზუალიზაციის კონკურსში გიწვევთ. კონკურსის ჯამური საპრიზო ფონდი 6500 ლარია.

ვის შეუძლია მონაწილეობის მიღება?

სტუდენტებს, რომლებიც დაესწრნენ ფორსეტის მიერ ორგანიზებულ ლექციებს საჯარო იფორმაციისა და ვიზუალიზაციის ზოგადი წესების შესახებ.

რა არის მონაცემთა ვიზუალიზაცია?

მონაცემთა ვიზუალიზაცია მოიაზრებს:

ინტერაქციულ ვიზუალიზაციას (ინტერაქციული დეშბორდი, ქვიზი, რუკა, ა.შ);
სტატიკურ ვიზუალიზაციას (ინფოგრაფიკას);
ანიმაციურ გიფს;
სხვას.

მონაცემთა ვიზუალიზაციის მრავალფეროვანი მაგალითების მოსანახულებლად, ამ ბმულს ესტუმრე.

Როგორ მივიღო მონაწილეობა?

მონაწილეობის მისაღებად, 1 ოქტომბრიდან 1 დეკემბრამდე უნდა შეავსოთ სარეგისტრაციო ფორმა. მონაწილეობა შეგიძლია მიიღოთ მხოლოდ ინდივიდუალურად.

კონკურსის პრინციპი მარტივია — შენი დავალებაა, AskGov.ge-ის მონაცემებზე დაყრდნობით, შექმნა სასურველი მონაცემთა ამბავი.Საკონკურსო ვადაში, შეგიძლია გამოითხოვო სასურველი ინფორმაცია AskGov.ge-ს მეშვეობით, ან გამოიყენო პორტალზე უკვე არსებული მონაცემები. მონაცემთა ვიზუალიზაციის შექმნისას, შეზღუდული არ ხარ სასურველი ხელსაწყოს გამოყენებაში.

რას თემას უნდა ეხებოდეს საკონკურსო მასალა?

კონკურსის თემები უნდა ეხებოდეს შემდეგ საკითხებს:

დემოკრატია, ადამიანის უფლებები
ვიზალიბერალიზაცია, ევროინტეგრაცია
კრიმინალი
კორუფცია, გამჭვირვალობა, ბიუჯეტის ხარჯვა
გარემოს დაცვა, ჰაერის დაბინძურება, ნარჩენების მართვა
ცხოველთა უფლებები
სხვა (ორგანიზატორებთან შეთანხმებით).

ინსპირაციისთვის გთავაზობთ რამდენიმე თემას, რომლებზეც, სურვილის შემთხვევაში შეგიძლიათ იმუშაოთ:

სახელმწიფო შესყიდვების პორტალის მონაცემები: რამდენად ხშირად იმარჯვებენ ერთი და იგივე კომპანიები ტენდერებში?
ევროკავშირის გრანტები და ფინანსური დახმარება: რომელი სექტორები იღებენ ყველაზე მეტ მხარდაჭერას (გარემოს დაცვა, ინფრასტრუქტურა, განათლება)
ვიზალიბერალიზაციის სტატისტიკა: რამდენი ადამიანი სარგებლობს, რა ტენდენციებია ქვეყნიდან გასვლასა და დაბრუნების მიმართულებით
Erasmus+ მონაცემები: რამდენმა ქართველმა სტუდენტმა მიიღო მონაწილეობა ბოლო 5 წელში და რომელ ქვეყნებში წავიდნენ.
გარემოსდაცვითი მაჩვენებლები: რამდენად აკმაყოფილებს საქართველო ევროკავშირის ეკოლოგიურ სტანდარტებს (ჰაერის ხარისხი, ნარჩენების მართვა).
საჯარო მოხელეთა დეკლარაციები: რამდენად შეესაბამება მათი ქონება ოფიციალურ შემოსავალს?
ძაღლების პოპულაცია – მონაცემები ადგილობრივი მუნიციპალიტეტების მიხედვით. რამდენი მიუსაფარი შნაური ცხოველია რეგიონებში, რამდენი არის აყვანილი აღრიცხვაზე?
ნარჩენების მართვა – რამდენი კონტეინერი და ნაგავსაყრელი არსებობს რეგიონში.

გაითვალისწინე, რომ მონაცემთა ამბის მომზადებისას ნამუშევრის ერთ-ერთი ძირითადი წყარო ask.gov.ge-ის საშუალებით (ან უკვე მის ბაზაში არსებული) მონაცემები უნდა იყოს ამბის შექმნისას შეგიძლია სხვადასხვა დამატებით წყაროს დაეყრდნო, თუმცა ask.gov.ge-დან მიღებული საჯარო ინფორმაცია სავალდებულო კომპონენტია.

როგორია შეფასების კრიტერიუმები?

სიზუსტე: რამდენად ზუსტია მონაცემების ანალიზი? (15 ქულა)
Რელევანტურობა: რამდენად აქტუალურია მონაცემთა ამბის თემა? (10 ქულა)
უნიკალურობა/სიახლე: რამდენად ახლებური გზები იპოვა მონაწილემ საკუთარი ამბის გადმოსაცემად? არის ეს ამბავი არაერთხელ გაშუქებული თუ მონაწილემ მოახერხა განსხვავებულად შეეხედა ამბისთვის? (15 ქულა)
კონცეფცია: რამდენად დახვეწილია ამბის კონცეფცია (სტრუქტურა, მიზანი, გზავნილი და აუდიტორია)? (15 ქულა)
დიზაინი: რამდენად გამართულია დიზაინი და რამდენად აკმაყოფილებს მონაცემთა ვიზუალიზაციის პრინციპებს? (10 ქულა)
ტექნიკა: ვიზუალიზაციისთვის გამოყენებული ხელსაწყოების და პროგრამების კომპლექსურობა და მიზნობრიობა. (15 ქულა)
პროგრესი: რამდენად დასრულებულია პროდუქტი? (15 ქულა)
ბონუსი: მონაწილემ askgov.ge-ს გამოყენებით გამოითხოვა ინფორმაცია და გამოიყენა ვიზუალიზაციაში (5 ქულა)

გაეცანი კონკურსში მონაწილეობის პრაქტიკულ სახელმძღვანელოს.

კითხვების შემთხვევაში, დაგვიკავშირდი: nemsadzenatalie23@gmail.com

სარეგისტრაციო ბმული ნახეთ აქ

გამარჯვებულები მას შემდეგ მიიღებენ საპრიზო თანხას, რაც ვიზუალიზაციის გაუმჯობესებას დაასრულებენ.

კონკურსში არ მიიღება პროექტები, რომლებიც ნებისმიერი სახის დისკრიმინაციულ მიზანს ან გზავნილებს შეიცავენ.

იმ შემთხვევაში, თუ გამოგზავნილი მასალების მცირე რაოდენობა დაფიქსირდება, ორგანიზატორები იტოვებენ უფლებას, საპრიზო ფონდი სრულად არ აითვისონ.

სიახლეები