100 წელიწადში, დიდი ალბათობით, ყველა დიდი მყინვარი გადნება საქართველოში

მყინვართა დნობა კლიმატის ცვლილების ერთერთი ყველაზე გავრცელებული გვერდითი ეფექტია. დნობის პროცესი დაწყებულია ყველგან და გამონაკლისი, სამწუხაროდ, არც საქართველოა. 

მყინვარების დნობის მთავარი მიზეზი ისაა, რომ დედამიწაზე საშუალო ტემპერატურა წლიდან წლამდე იზრდება. საქართველოში ბოლო 50 წელიწადში მყინვარების რაოდენობა თითქმის განახევრდა, ფართობი კი 69%-ით შემცირდა. 

სამწუხაროდ, პროცესი შეუქცევადია და თუ ტემპერატურის ზრდა ამ ტემპით გაგრძელდა, 100 წელიწადში საქართველოში ყველა დიდი მყინვარი გადნება. 

წარმოგიდგენთ კლიმატის დატათონში გამარჯვებულ მონაცემთა ვიზუალიზაციას. 

———-

“კლიმატის დატათონმა” წვლილი შეიტანა პროექტებში: “კლიმატის პოლიტიკის შესაძლებლობების განვითარება სამხრეთ-აღმოსავლეთ ევროპაში, სამხრეთ კავკასიასა და ცენტრალურ აზიაში, ფაზა მესამე” (CDCPIII), და „საქართველოში ტყის სექტორის რეფორმის განხორციელების ხელშეწყობა – ECO.Georgia”, რომლებიც ფინანსდება გერმანიის გარემოს დაცვის, ბუნების კონსერვაციის, ბირთვული უსაფრთხოებისა და მომხმარებელთა დაცვის ფედერალური სამინისტროს (BMUV) და გერმანიის ეკონომიკური თანამშრომლობისა და განვითარების ფედერალური სამინისტროს მიერ და ხორციელდება გერმანიის საერთაშორისო თანამშრომლობის საზოგადოების (GIZ) და საქართველოს გარემოს დაცვისა და სოფლის მეურნეობის სამინისტროს ერთობლივი ძალისხმევით.