ფორსეტის მონაცემთა ვიზუალიზაციის კონკურსი

„ფორსეტი“ აცხადებს მონაცემთა კომუნიკაციის კონკურსს ორი მიმართულებით:

• „ტექნოლოგიებით წახალისებული გენდერული ნიშნით ძალადობა“
• „რუსული კანონი და არჩევნები“

„ტექნოლოგიებით წახალისებული გენდერული ნიშნით ძალადობა“

„ტრანსფორმის“ პროგრამის ფარგლებში, IREX-თან და USAID-თან პარტნიორობით ტარდება მონაცემთა ვიზუალიზაციის კონკურსი ტექნოლოგიებით წახალისებული გენდერული ნიშნით ძალადობის (TFGBV – Trechnology Facilitated Gender Based Violence) შესახებ.

კონკურსის მიზანია, წაახალისოს ამ პრობლემის ირგვლივ მონაცემების შეგროვება, გაანალიზება და ორიგინალური, შემოქმედებითი და მარტივად გასაგები ფორმით საზოგადოებისთვის მიწოდება.

კონკურსის მონაწილეებს ექნებათ შესაძლებლობა, შექმნან მონაცემთა ვიზუალიზაციები შემდეგ საკითხებზე:

• საჯარო ცხოვრებაში ჩართული ქალების მიმართ ციფრულ სამყაროში გენდერის ნიშნით ძალადობის ფორმები და მანიფესტაციები;
• TFGBV-ს ფორმები, სიხშირე და მისი ეფექტები აღმოსავლეთ ევროპასა და ცენტრალურ აზიაში;
• პოლიტიკოსი და აქტივისტი ქალების მიმართ სიძულვილის ენა და სიძულვილით მოტივირებული დანაშაული;
• სხვა, ამ საკითხთან დაკავშირებული რელევანტური თემები და გამოწვევები.

კონკურსის თითოეული მიმართულებისთვის გამოყოფილი საპრიზო ფონდია 10 000 ლარი.

კონკურსში მონაწილეობისთვის რეგისტრაციის ბოლო ვადაა: 2024 წლის 15 ივლისი.

შექმნილი პროდუქტების ჟიურის წინაშე პრეზენტაციის თარიღი: 2024 წლის 31 ივლისი.

სარეგისტრაციო ბმული

„რუსული კანონი და არჩევნები”

მონაცემთა ვიზუალიზაციის კონკურსის მიზანია, მიმდინარე მოვლენებსა და არჩევნების თემატიკაზე შეიქმნას მონაცემებზე დაფუძნებული ამბები. 

მონაწილეებს აქვთ თავისუფლება კონკურსის თემებისა და მონაცემების შერჩევაში. ამბის შექმნა და ანალიზი მონაწილეებს შეეძლებათ, როგორც ფორსეტის მიერ გაზიარებულ მონაცემთა ბაზებზე დაყრდნობით, ისე – მათი შევსებითა და ალტერნატიული წყაროებისა და კვლევების დამატებით. 

მონაცემთა ამბების მთავარი კრიტერიუმებია:

• ეხებოდეს მიმდინარე მოვლენებს და არჩევნებს;
• იყოს მონაცემებზე დაფუძნებული;
• იყოს ახალი/რელევანტური მონაცემები.

კონკურსში მონაწილეობა შეუძლიათ სხვადასხვა პროფესიისა და უნარების მქონე ადამიანებს, მათ შორის: სტატისტიკოსებს, მკვლევრებს, მონაცემთა მეცნიერებსა და ანალიტიკოსებს, გრაფიკულ, UI/UX, 3D და მოუშენ დიზაინერებს, ქოფირაითერებს, სტუდენტებს, სხვადასხვა ორგანიზაციაში მომუშავე კომუნიკაციების სპეციალისტებს და სხვა რელევანტური უნარების მქონე პროფესიონალებს.

კონკურსის ფარგლებში შექმნილი მონაცემთა ვიზუალიზაციის პროდუქტები შეიძლება იყოს:

• ინტერაქციული დეშბორდები;
• საინფორმაციო პლატფორმები;
• ინფოგრაფიკები;
• ფაქტოგრაფები;
• ქვიზები;
• რუკები;
• ანიმაციები და სხვ.

კონკურსის თითოეული მიმართულებისთვის გამოყოფილი საპრიზო ფონდია 10 000 ლარი.

კონკურსში მონაწილეობისთვის რეგისტრაციის ბოლო ვადაა: 2024 წლის 15 ივლისი.

შექმნილი პროდუქტების ჟიურის წინაშე პრეზენტაციის თარიღი: 2024 წლის 31 ივლისი.

სარეგისტრაციო ბმული