რამდენად უსაფრთხოა სახლში CO-თან ერთად?

ჩუმი მკვლელი. უსუნო, უფერო, სრულიად შეუმჩნევი აირი, რომელსაც შეუძლია როგორც ადამიანის, ასევე ცხოველის მოკვლაც.

ნახშირჟანგი ნახშირბადის არასრული წვის შედეგად წარმოიქმნება და მისი დაგროვება, ცუდი ვენტილაციის ან უვენტილაციო შენობებში, იწვევს მოწამვლას და ქმნის აფეთქების საფრთხეს. მხოლოდ თბილისში, ბოლო 6 წლის განმავლობაში, გაჟონვის 240-ზე მეტი შემთხვევა დაფიქსირდა.

• რატომაა CO-თი მოწამვლის შემთხვევები ამდენად ხშირი?
• ნუთუ შეიძლება გაზის ამდენი დანადგარი იყოს დეფექტური?
• როგორ ვიგრძნოთ თავი საკუთარ სახლში უსაფრთხოდ და თბილად?

უმეტეს შემთხვევებში, გაზის დანადგარების დეფექტი არაფერ შუაშია. CO-ის გაჟონვის მთავარი მიზეზი ამ ხელსაწყოების არასწორი ექსპლუატაციაა. გაზის მოწყობილობების თვითნებურად დაყენება დიდი რისკია. პროფესიონალის დახმარება აუცილებელია, დაყენების დროსაც და მოგვიანებითაც — შესამოწმებლად. განსაკუთრებით სახიფათოა ღია წვის კამერიანი დანადგარები, რომლებიც ჟანგბადს შიდა სივრციდან იღებენ და ნახშირბადით ანაცვლებენ.

გაზის გაჟონვის შემთხვევები საქართველოში 2016–2021 წლებში

იცოდით, რომ დახურულ სივრცეშ CO-ს დაგროვებისას: შემთხვევათა 0,5%-ში 20–30 წუთი აღმოჩნდა საჭირო ადამიანის სასიკვდილოდ მოსაწამლად, შემთხვევათა 1%-ში კი ამისათვის ორი წუთი იყო საჭირო.

როგორ ამოვიცნოთ CO-თი მოწამვლა?

ძლიერ მოწამვლას ახასიათებს:

• გონების დაბინდვა, დაბნეულობა
• ღებინება
• კუნთების კონტროლის შესაძლებლობის დაკარგვა
• გონების დაკარგვა

მსუბუქად მოწამვლის ნიშნებია:

• თავის ტკივილი
• გადაღლილობა
• სუნთქვის შენელება
• გულისრევა და თავბრუსხვევა

იეჭვე, რომ გაზი ჟონავს? არ შეშინდე, ყურადღება მოიკრიბე და სწრაფად იმოქმედე – მთავარია ვენტილაცია! გააღე კარი და ფანჯრები.

მომავლისთვის კი გაითვალისწინე

• Მოიძიე ინფორმაცია შენს კონკრეტულ მოწყობილობაზე, თუ როგორ მუშაობს და როგორ შეგიძლია გაუფრთხილდე მას;
• სახლის აშენებისას, შეძენისას ან რემონტისას აუცილებლად მიაქციე ყურადღება, რომ პროფესიონალურად დამონტაჟდეს გაზქურები, გაზზე მომუშავე მოწყობილობები, ვენტილაციისა და გათბობის სისტემები;
• ყოველწლიურად შეამოწმებინე პროფესიონალებს გაზზე მომუშავე ყველა მოწყობილობა, ვენტილაციისა და გათბობის სისტემები და დარწმუნდი, რომ მათი გამოყენება კვლავ უსაფრთხოა.

წყარო: შსს საინფორმაციო-ანალიტიკურ დეპარტამენტში კომპილირებული ცალკეული სტატისტიკური მონაცემები, AskGov.ge

ნაშრომის ავტორები არიან გვანცა ბლიაძე და მარიამ სინატაშვილი — AskGov.ge-ის მულტიმედიური კონკურსის გამარჯვებულები.

ეს ბლოგ-პოსტი შეიქმნა ევროკავშირის ფინანსური მხარდაჭერით. ამ დოკუმენტის შინაარსზე პასუხისმგებელია ფორსეტი და არავითარ შემთხვევაში არ შეიძლება ჩაითვალოს ევროკავშირის პოზიციის ამსახველად.